წარმატებული მწვრთნელის განსაზღვრა

როგორც ბავშვთა რაგბის მწვრთნელი - როგორ განვსაზღვრავთ წარმატებას?

დაუსვით საკუთარ თავს შემდეგი კითხვები და დაფიქრდით თქვენს პასუხებზე.

• რატომ მოდიან მოთამაშეები ჩემთან და ამ კლუბში/სკოლაში/გუნდში გასაწვრთნელად?
• რა არის ჩემი მოტივაცია ამ მოთამაშეების წვრთნისას?
• როგორ განვსაზღვრო წარმატება, როგორც მწვრთნელი - რას ნიშნავს ეს ჩემთვის, რას ნიშნავს ეს ბავშვებისთვის?
• მე ვარ ავტოკრატი (ლაპარაკზე ორიენტირებული) თუ მოთამაშეზე ორიენტირებული (კითხვების გამოყენებით) მწვრთნელი?
• რამდენად მნიშვნელოვანია თამაშის შედეგი რომ იყო წარმატებული მწვრთნელი?
• რამდენად მნიშვნელოვანია, რომ ჩემს გუნდში ყველა მოთამაშემ მიაღწიოს თავის პოტენციალს?
• სად ვნახავ ჩემს მოთამაშეებს მომავალ წელს, ხუთ წელიწადში და ათ წელიწადში?
• როგორ მოვამზადო ჩემი სამწვრთნელო ვარჯიში - რაზე გავეკეთო აქცენტი, ინდივიდუალური განვითარება თუ გუნდის განვითარება - აჭარბებს თუ არა ერთი მეორეს?
• ვასწავლი თუ არა ჩემს მოთამაშეებს თამაშის ღირებულებებს და ვიცავ თამაშის სულს და ტრადიციებს, რაც რაგბის უნიკალურს ხდის?
• უკუკავშირისას, არის თუ არა რაიმე რაც შემიძლია გავაკეთო ჩემს მწვრთნელობაში, რათა დავეხმარო ჩემი მოთამშეების განვითარებას?

ამ კითხვებზე პასუხის გაცემისას თქვენ უნდა შეგეძლოთ ჩამოაყალიბოთ თქვენი სამწვრთნელო ფილოსოფია - დააზუსტოთ თქვენი როლი და როგორ აპირებთ გაწვრთნათ თქვენი მოთამაშეები.