19 Skrum
Onder 19
6 [Replacement]
19.6 Indien 'n span om enige rede tot minder as 15 verminder word, kan die getal spelers van elke span in die skrum dienooreenkomstig verminder word. Indien 'n toegelate vermindering deur een span gemaak word, is daar geen vereiste dat die ander span 'n soortgelyke vermindering hoef te maak nie. 'n Span moet egter nie minder as vyf spelers in die skrum hê nie.
Vervang deur:
19.6 Alle spelers in die drie voorryposisies en die twee slotposisies moet behoorlik geoefen vir hierdie posisies wees. Indien 'n span, om watter rede ook al, nie sodanige geskik geoefende spelers het nie, moet die skeidsregter onbetwiste skrums beveel. Onbetwiste skrums as gevolg van die afstuur, tydelike skorsing of besering van 'n speler moet met agt spelers per span gespeel word.
a. In 'n agtpersoonskrum moet die formasie 3-4-1 wees, met die enkele speler (normaalweg die nommer agt) wat teen die twee slotte druk. Die slotte moet met hulle koppe aan weerskante van die haker pak.
b. Indien 'n span om enige rede tot minder as 15 verminder word, kan die getal spelers van elke span in die skrum dienooreenkomstig verminder word.
c. Waar 'n toegelate vermindering in die skrum deur een span gemaak word, moet die ander span hulle skrum dienooreenkomstig verminder, tot 'n minimum van vyf.
d. Indien daar 'n onvolledige skrum is, moet dit soos volg gevorm word:
i. Sewe spelers – drie-vier-formasie (d.w.s. geen nommer agt nie).
ii. Ses spelers – drie-tee-een-formasie (d.w.s. geen flanke nie).
iii. Vyf spelers – drie-twee-formasie (d.w.s. geen flanke of nommer agt nie). Straf: Vryskop.
3 [Replacement]
19.3 Indien daar geen oortreding is nie, sal die skeidsregter spel stop en die skrum weer laat vorm indien:
a. Die skrumskakel die bal ingooi en dit aan enige kant van die tonnel uitkom.
b. Die skrum ineenstort of opbreek voordat dit andersins tot 'n einde kom.
c. Die skrum deur meer as 90 grade geswaai word, sodat die middellyn verby 'n posisie parallel met die doellyn beweeg het.
d. Nie een van die spanne besit wen nie.
e. Die bal per ongeluk by die tonnel uitgeskop word. Uitsondering: Indien die bal herhaaldelik uitgeskop word, moet die skeidsregter dit as doelbewus beskou. Straf: Strafskop.
Vervang deur:
c. Die skrum per abuis deur meer as 45 grade swaai.